Mi媽嘅囡囡今年已經兩歲，諗翻當初佢仲係幾個月大嘅時候，晚晚BB夜晚喊到醒，真係佢攰我都攰。地獄般嘅生活持續咗個幾月，完全冇湊仔經驗嘅我終於帶咗囡囡去睇醫生。診所姑娘一摸囡囡嘅肚就話：「你個BB便秘喎，肚仔漲成咁，你無留意嘅咩？」What?! 我當時真係傻咗，自責到爆。跟住落嚟見醫生，醫生亦都確認囡囡有便秘問題，建議我幫囡囡換隻奶粉，仲俾咗啲舒緩BB便秘嘅建議。出咗醫生診療室我就坐喺候診間等拎藥，隔離嘅媽媽們細細聲講緊嘢，我當下仲喺到自責緊，無心聽人哋講咩嘢，淨係聽見「美素佳兒好唔好」幾個字，似乎講緊BB嘅奶粉。

當時我個心好亂，冇諗過係因為BB便秘出事。網上唔少媽媽都有分享解決BB便秘心得，加上醫生又建議我轉奶粉，於是我就的起心肝去做下research，希望BB便秘不再，BB夜晚喊唔再出現。睇下睇下我先發現，原來揀啱奶粉真係好多學問。我記得其中一篇絲打share嘅文話，有啲奶粉裡面含有母乳低聚糖HMO及GOS（完全唔知係咩嚟），係會為BB腸道裡面嘅益生菌提供養份，支持免疫力及腸道健康，對軟化便便有幫助。BB便秘少啲，夜晚喊嘅機會就少啲。嘩！Fit曬我囡囡。確定咗目標之後，我就按住依個方向去搵奶粉。咁當然啦，我依加可以咁開心寫文分享湊B心得，就緊係我解決囡囡嘅便秘同夜晚喊問題。下面就係我嘅小小分享。

囡囡嘅便便一粒粒，醫生話有BB便秘

點樣分係唔係BB便秘？

相信好多新手爸媽同當年嘅Mi媽一樣，唔識點分咩嘢係健康嘅BB便便，以為BB每日有便便就OK啦，其實BB便便唔係咁簡單，即使日日有便便，都唔代表冇便秘。首先，如果BB有便便，但肚仔谷谷、BB夜晚喊醒、BB唔食嘢等情況，BB就好有機會係有便秘。特別係BB夜晚喊醒，我嘅經驗多數係BB肚仔唔舒服。依個時候摸下佢嘅肚仔係唔係好漲，留意下BB便便時係唔係好辛苦，要谷到個面珠紅曬先痾到。都中曬嘅話十成九都係有便秘問題。

 

觀察BB便便狀態可以知道有冇BB便秘

BB便便狀態同BB便秘有關

其實父母可以從BB便便嘅形狀顏色分辨出有冇BB便秘。初生BB便便嘅顏色主要受膽汁影響，所以出現出現黃、綠或茶色也是正常的。BB主要食糧係人奶或配方奶粉，所以便便一般會係較水狀。另外要留意嘅就係氣味，正常的便便氣味應該係好似乳酪咁嘅酸甜味。如果初生BB嘅便便體積過大、過硬、顏色為白色或灰白色、或者突然變到好臭嘅話，就算唔係BB便秘，都可能係其他問題，建議父母即刻帶BB去睇醫生穩陣啲喇！

 

BB夜晚喊可能係因為肚仔唔舒服

BB夜晚喊可以點算？

遇著BB夜晚喊到收唔到聲嘅時候，首先父母要冷靜落嚟。畢竟BB唔識講嘢，佢唔舒服先會喊，引起你嘅注意。作為父母唔可以因為BB夜晚喊到拆天就遷怒於佢。其次要搵到BB夜晚喊嘅原因，除咗常見嘅BB便秘之外，可能係佢發燒、肚餓、太興奮，甚至可能只係詐嬌要人抱。父母要針對翻BB嘅狀況對症下藥，咁樣BB夜晚喊嘅情況就會越來越少啦！

揀合適BB嘅奶粉

Mi媽湊囡囡嘅過程中發現揀啱奶粉對BB真係好重要，依一點我真係要再三重覆。因為我個囡囡由細到大都係飲奶粉嘅，直到醫生建議我轉奶粉之前我一直覺得無咩問題。

嗰次我見完醫生後就即刻著手搵新嘅奶粉，睇咗好多資料，知道要搵有HMO及GOS嘅。但係真係太多奶粉選擇，我都好驚轉咗奶粉又唔啱囡囡，突然我諗翻起診所裡面媽咪們嗰句「美素佳兒好唔好」。美素佳兒算係大牌子，查佢嘅官方網站，相關奶粉資訊都算好齊。

 

囡囡嘅便便靚曬啦

雖然我唔係好明第一層奶源精華幾有營養，天然sn-2 Palmitate或者母乳低聚糖HMO及GOS又係咩嘢，我淨係睇得明，依啲天然乳脂精華接近母乳，而且仲可以幫助軟化便便，維持BB腸道健康，少啲BB便秘問題，可以令BB夜晚少喊啲對我嚟講就夠啦。膽粗粗就俾囡囡試下皇家美素，只係飲咗個零月，囡囡個肚仔再冇漲卜卜，便便靚曬，連夜晚喊嘅情況都少咗，可能因為夜晚肚仔冇唔舒服啦。

直到囡囡依加兩歲都係飲緊皇家美素，so far一切正常。估唔到只係機緣巧合聽到一句「美素佳兒好唔好」，居然解決咗我嘅煩惱。不過BB同奶粉好睇夾唔夾，真係要試先知。如果轉咗奶粉BB便秘或者BB夜晚喊嘅問題都冇解決，記得要即刻帶BB去睇醫生啦！

閱讀延展

• 延伸閱讀：對孩子說教就能培養他的邏輯性思維了嗎？
• 延伸閱讀：孩子入園前的8個必備技能
• 延伸閱讀：做兒童小手工，可以看一下教程和具體方法指導